Albin Kurti, kryetar i Lëvizjes Vetëvendosje, e ka quajtur turizëm qeveritar vizitën e delegacionit të Qeverisë së Kosovës në Washington, për takimin me Serbinë.
Në një konferencë për media, Kurti ka thënë se ekipi i Kosovës s’është i koordinuar.
“Delegacioni kosovar shkoi tri ditë më herët, para fillimit të bisedimeve. Ky është turizëm qeveritar me para të shtetit e të popullit. Delegacioni nga Kosova është enorm për nga numri i pjesëmarrësve dhe shumëfish më i madh sesa ai nga Serbia. S’ka përvojë në negociata ndërkombëtare, por vetëm në ato për poste qeveritare. Mbase negociatat e vërteta janë mes SHBA-së dhe Serbisë, e delegacioni kosovar është ndërmjetësuesi i panevojshëm”, ka thënë Kurti.
Sipas tij, s’mund të ketë marrëveshje pa fituesin e zgjedhjeve.
Tutje Kurti ka thënë se pa pasur vlerësim të marrëveshjeve të shkuara, pa paraqitur kërkesat ndaj Serbisë dhe pa pasur platformë e ekip negociator, s’mund të ketë marrëveshje të drejtë e të qëndrueshme mes shteteve.
Edhe
Ahmeti: Kurti ka zhvilluar takime me Vuçiqin më shumë se secila qeveri tjetër
Ai ka thënë se Kosovës nuk i mjafton vetëm njohja nga Serbia. “Serbia na ka shumë më shumë borxh”, ka shtuar ai.
E ka quajtur çmenduri “idenë që të kryhet marrëveshja shpejt e shpejt pa përfshirjen e partisë më të madhe në vend”.
Ai ka shtuar se pa parapërgatitje për procesin e dialogut “do të shkojmë drejt një dështimi tjetër”.
Ish-kryeministri Kurti ka kritikuar menaxhimin e situatës me COVID-19 nga Qeveria Hoti. Sipas tij “përderisa një e treta e kabinetit është larg ndoshta edhe përmirësohet situata shëndetësore në vend”.
Edhe
Kurti: SHBA-ja nuk duhet të presë që ta shohë Beogradin me sytë e DASH-it
“Sa më shumë prej tyre në Kosovë aq më keq për Kosovën. Na ngelet pak merak pse s’e morën edhe ministrin e Shëndetësisë me vete”, ka thënë ai.
Kurti ka thënë se Armend Zemaj “është ministër i Shëndetësisë vetëm sepse i ka qëlluar kjo ministri”.
