Opinionisti Ismet Kryeziu thotë se nëse Grupi i Deputetëve të Pavarur voton pro ratifikimit të demarkacionit, do të bëjë hapin e parë të guximshëm në marrjen e përgjegjësisë, formësimit të idesë, veprimit dhe konceptit politik të subjektit të ri.
Sipas tij, ky koncept është i ri dhe i nevojshëm nga gjeneratat e reja politike. Po ashtu thotë se do të tregonte ide dhe veprim ndryshe nga partitë aktuale.
Kryeziu thotë se vota pro nga deputetët, që pak ditë më parë zyrtarizuan grupin e ri parlamentar pas largimit nga Vetëvendosje, nuk është votë tradhtie.
“Fuqishëm, të angazhuar ndryshe nga ofertat aktuale, me parti dhe politika lideriste, keqqeverisëse e klienteliste. Ndryshe nga politikat që për kundërshtim të pushtetit rrëshqasin në veprimet kundër shtetit. Është e thjeshtë, shteti nuk duhet të dëmtohet për shkak të kundërshtimit ndaj pushtetit. Ka instrumente e alternativa të mjaftueshme për ta kundërshtuar pushtetin, pa e dëmtuar shtetin. Vota PRO demarkacionit nuk është votë tradhtie, nuk është votë që të identifikon me PDK/LDK, ose edhe me qeverinë aktuale. Besoj se është votë pro Republikës se Kosovës”, ka shkruar ai në Facebook.
-
Qeveria dhe analistët s’besojnë në mocionin e opozitës për zgjedhje të reja, demarkacioni mund të kalojë
-
Kryeziu thotë se nga PZAP-ja priten vendime të drejta e jo të favorshme për dikë
-
GLPS: Ndryshimi i kufijve cenon shtetësinë e Kosovës
-
Pajaziti thotë se opozita po kalkulon për vota me qëndrimin për dialogun
-
Hoxhaj mëton që pas demarkacionit të arrihet konsensus edhe për ushtrinë