Kryetari i Parlamentit të Serbisë, Vladimir Orliq, ka thënë se kryeministri i Kosovës, Albin Kurti është përgjegjës për “çfarëdo lloj dhune”.
Kështu është shprehur ai teksa ka folur për sulmet e fundit në Bansjkë të Zveçanit, ku mbeti i vrarë një zyrtar i Policisë së Kosovës dhe një tjetër është plagosur.
Sipas tij, Kurti është ngutur duke i akuzuar serbët për ngjarjet në Banjskë.
“E keni parë reagimin e Albin Kurtit, i cili menjëherë filloi, nxitoi të akuzonte serbët, duke thënë se ishte një veprim i organizuar. Nëse flasim se kush është përgjegjës për çfarëdo lloj dhune – është ekskluzivisht Albin Kurti dhe këtë e dinë të gjithë. Dhe gjithçka që ai ka bërë në muajt e kaluar me terrorin më brutal të mundshëm që ka kryer kundër popullit duarzbathur serb, ai e bëri pikërisht sepse donte një përshkallëzim të hapur dhe sepse donte të shkaktonte dhunë”, ka thënë Orliq për mediumin serb “TV Prva”.
Ai theksoi se është e qartë se kush mund të jetë i kënaqur nëse ndodh ndonjë konflikt, veçanërisht nëse ai përfshin sakrifica njerëzore.
-
Rutte: NATO-ja pret nga Beogradi përcaktimin e përgjegjësinë për sulmin në Banjskë
-
Kurti në Samitin e Procesit të Berlinit: Përparimi i Kosovës nën hijen e kërcënimeve nga Serbia
-
Vuçiq: Radoiçiq nuk ndiqet për krim, por për shkak të Kosovës
-
Costa përballet në Kosovë me kërkesën për statusin e vendit kandidat
-
Kurti: Kurrë s’ka pasur më shumë kërcënime ndaj serbëve për ta votuar Listën Serbe