Jakup Krasniqi, kryetar i Këshillit kombëtar të Nismës për Kosovën, i ka dhënë meritat kryesore partisë së tij për rrëzimin e qeverisë Mustafa.
Ai ka përmendur nisjen e nënshkrimeve për mocion për mosbesim të qeverisë, që të mërkurën përfundoi me 78 vota pro duke rrëzuar qeverinë.
Mocioni u votua pro nga partitë opozitare dhe PDK-ja që ishte pjesë e koalicionit qeverisës.
“Një iniciativë e NISMËS me gjashtë deputetë, arriti t'i merrë me veti gati 80 deputetë. Ky është suksesi. Sukses që arriti ta ndërprej qeverisjen e keqe!”, ka shkruar ai duke shtuar se qytetarët tani kanë në duar vendimin e radhës.
“Nisma e nisi, ju bitisne!”, ka shkruar në fund ai.
