Kosovës i ka dalë problem me kufijtë edhe në dokumentet zyrtare të Bashkimit Evropian. Vetëm pak muaj pas nënshkrimit të Traktatit të Komunitetit të Transportit me vendet e tjera të Ballkanit Perëndimor, Kosova ka deponuar deklaratë në Komisionin Evropian përmes së cilës shpreh mospajtimin për kufijtë e paraqitur. Por, aty nuk tregohet se cilat janë devijimet. Kosova nuk i ka caktuar kufijtë ende me Serbinë, Malin e Zi dhe Shqipërinë, shkruan sot Koha Ditore.
“Kosova ka deponuar një deklaratë përmes së cilës ka shprehur mospajtimin lidhur me paraqitjen e kufijve të vendit tonë në hartat e bashkëngjitura në traktat. Një deklaratë tjetër e nënshkruar nga ministri i Punëve të Jashtme duhet të deponohet edhe tek shteti depozitar në momentin që krijohet sekretariati”, thuhet në dokumentin të cilin e ka siguruar “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoProblemin me kufijtë e kanë konfirmuar edhe zyrtarë të MPJ-së. Por ata nuk kanë treguar se pse është pranuar të nënshkruhet marrëveshja me kufij të tjerë.
“Në ditën e nënshkrimit të këtij Traktati, Kosova ka deponuar një deklaratë, nëpërmjet Notës Verbale, me të cilën nuk është pajtuar me hartat e bashkëngjitura dhe që nuk i njeh ato. Shtet depozitar nuk ka ende, pasi që depozitar aktual është vetë Komisioni Evropian”, thuhet në përgjigjen e MPJ-së, e cila tani drejtohet nga Behgjet Pacolli.
(Artikullin e gjerë lexojeni sot në Koha Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.