Ministria e Punëve të Brendshme e Republikës së Kosovës dhe Departamenti Federal për Punë të Jashtme i Qeverisë së Zvicrës, nënshkruan sot marrëveshje bashkëpunimi për Projektin: Fuqizimi i autoriteteve për menaxhim të migrimit në Kosovë.
Kjo marrëveshje është në përputhje dhe në zbatim të Marrëveshjes Kornizë, lidhur me Bashkëpunimin teknik dhe financiar, si dhe ndihmën humanitare ndërmjet Këshillit Federal Zviceran dhe Qeverisë së Kosovës, nënshkruar më 6 tetor 2010 dhe që ka hyrë në fuqi më 16 dhjetor 2010, transmeton Koha.net.
Marrëveshja u nënshkrua në respektimin e parimeve demokratike, sundimin e ligjit, të drejtat e njeriut dhe liritë themelore, të përcaktuara në mënyrë të veçantë me Deklaratën Universale të të Drejtave të Njeriut, që frymëzojnë politikën e brendshme dhe të jashtme të të dy palëve dhe përbëjnë një element thelbësor në mënyrë të barabartë me objektivat e kësaj Marrëveshjeje të Projektit.
Ministria e Punëve të Brendshme e Qeverisë së Republikës së Kosovës dhe Departamenti Federal për Punë të Jashtme i Qeverisë së Zvicrës, duke vepruar përmes Agjencisë Zvicerane për Zhvillim dhe Bashkëpunim, kanë rënë dakord mbi termat dhe kushtet e përcaktuara.
-
MPB-ja me projekt për përmirësimin e qeverisjes së migrimit
-
Kosova dhe Zvicra nënshkruajnë marrëveshje për përmirësimin e mundësive për punësim
-
MPMS jep udhëzimet se si të aplikohet për sigurimin social në Zvicër
-
Arrihet marrëveshja për pensionet nga Zvicra, nga 1 shtatori mund të aplikohet për to
-
Nënshkruhet memorandum për riintegrimin e të kthyerve vullnetarë