Kosova nuk mund ta formojë Tribunalin Ndërkombëtar për gjykimin e krimeve serbe përderisa nuk është pjesë e Organizatës së Kombeve të Bashkuara.
Për këtë, burime të Top Channel brenda qeverisë kanë treguar se është duke u diskutuar mundësia që t’u kërkohet ndihmë shteteve mike, Shqipërisë dhe Kroacisë.
Pas mbledhjes së fakteve, Kosova mund t’ia dorëzojë dokumentacionet këtyre shteteve të cilat duke u bazuar në to, nga Këshilli i Evropës mund të kërkojnë krijimin e Tribunalit. Por, kundër kësaj ideje po del shoqëria civile.
Arbëresha Loxha nga Grupi për Studime Juridike dhe Politike (GLPS), thotë se mundësia më e mirë është gjykimi krimeve serbe përmes gjykatave të vendit dhe Prokurorisë Speciale.
Top Channel ka provuar të marrë një përgjigje nga Ambasada e Shqipërisë dhe e Kroacisë, nëse deri tani ka gatishmëri për të bashkëpunuar për këtë çështje, por nuk janë përgjigjur.
Derisa Kuvendi i Kosovës ka vazhduar me procedurat e brendshme, si krijimin e një komisioni shtetëror për mbledhjen e fakteve dhe përpilimin e dokumentacioneve të nevojshme për krijimin e tribunalit.
- Kosovës i kërkohet që të mos e bëjë atë që ka të drejtë ta bëjë
-
Kërkohet strategji nga Kuvendi i Kosovës për hetimin e krimeve të luftës
-
Serbia nuk po bashkëpunon për rastin e Ivanoviqit e për të tjera
- Kosova ka nevojë për gjykatës të pavarur dhe të guximshëm e jo për “serbë” dhe “shqiptarë”
-
Cakaj: Për Gjykatë Speciale ka nevojë Serbia e jo Kosova