Kuvendi i Kosovës ka qenë nikoqir i seminarit “Promovimi i një parlamenti me ndjeshmëri gjinore”, të organizuar nga Asambleja Parlamentare e Frankofonisë, Rrjeti i Grave Parlamentare të Asamblesë Parlamentare të Frankofonisë dhe me mbështetjen e Organizatës Ndërkombëtare të Frankofonisë, raporton Ekonomia Online.
Seminari në fokus kishte marrjen parasysh të barazisë gjinore në procesin legjislativ.
Me këtë rast, kryetari i Kuvendit të Kosovës, Glauk Konjufca, përmendi veprimet që po i ndërmerr Kuvendi i Kosovës si ligjvënës për ta luftuar pabarazinë.
Sipas tij, nuk mund të arrihet zhvillim nëse nuk ka barazi ndërmjet burrave e grave.
“Republika e Kosovës mburret me prezencën e saj në Rrjetin e Grave Parlamentare të Asamblesë Parlamentare të Frankofonisë. Njerëzimi që të jetë njerëzor nuk është i mundshëm pa barazinë e gruas dhe të burrit, prandaj më vjen mirë që Rrjeti i Grave Parlamentare të Asamblesë Parlamentare të Frankofonisë përmes këtij seminari po e vë në spikamë barazinë gjinore sepse pa barazi gjinore, nuk ka barazi”, tha Konjufca.
Edhe
Konjufca: Lidhjet e Kosovës me vendet frankofone, shumë miqësore
Sipas tij aspekti bazik i qytetërimit është barazia e grave me burrat. “Kosova po bën veprime të shumta dhe po merr masa të vazhdueshme për ta luftuar pabarazinë. Në vitin 2020, Kuvendi e miratoi Konventën e Stambollit, kurse vitin e kaluar u miratua Strategjia kombëtare për mbrojtjen nga dhuna në familje dhe dhuna ndaj grave”, tha tutje Konjufca.
Kryetarja e Rrjetit të Grave Parlamentare të APF njëherësh deputete dhe zëvendëspresidente e Asamblesë Kombëtare të Kebekut, Chantal Soucy, përmendi luftën e fundit në Kosovë, me ç’rast tha se shumë prej viktimave të luftës ishin edhe gra. / EO
-
(Pa)barazia gjinore në Kosovë, kërkohet zbatimi i ligjeve
-
Konjufca: Kuvendi i Kosovës prej themelimit ka qenë shembull i përfaqësimit gjinor
-
Konjufca: Kosova dhe Shqipëria janë bashkë në çdo rrethanë dhe pa asnjë kusht
-
Raporti i UN Woman: Mbi gjysma e grave në Kosovë, viktima të dhunës nga partnerët