Konjufca mban fjalimin e parë si kryetar i ri i Kuvendit

Glauk Konjufca, kryetar i ri i Kuvendit, në fjalimin e tij të parë pas marrjes së këtij posti, ka premtuar se si kryesi e re e Kuvendit do të kryejnë detyrat ashtu siç kërkohet me ligjet e Kosovës.

“Qysh në fillim duam që t’ju falënderojmë që e themeluat legjislaturën e shtatë të Kuvendit të Kosovës. Ju falënderoj që na besuat këtë dëshirë me përgjegjësi. Ju garantojmë që edhe si Kryesi e Kuvendit të Kosovës që do t’i kryejmë detyrat tona ashtu siç kërkohet me shumë nder sipas ligjeve të Republikës së Kosovës dhe Kushtetutës sonë që është në fuqi. Po i bashkëngjitem urimit të juaj si deputetë të Republikës së Kosovës për ata që janë më të rëndësishmit, qytetarët e Republikës së Kosovës sepse pa besimin e tyre s’do të ishim këtu ku jemi”, ka thënë ai në fjalimin e parë si kryetar i Kuvendit të Kosovës.

Konjufca ka mbyllur seancën konstiutive të Legjislaturës VII.

Ka thënë se për seancën e radhës deputetët do të njoftohen me kohë.