Komunat e Kosovës ende s`i kanë përmbushur mbi 30 për qind të kritereve bazë që dalin nga Marrëveshja e Stabilizim-Asociimit (MSA) për integrimet evropiane. Dështimet më të mëdha janë në sferën e ruajtjes së trashëgimisë kulturore dhe të pronës rurale.
Deri tani llogaritet se komunat kanë përmbushur 67 për qind të kritereve të BE-së të kërkuara nga to, por që të gjitha kanë të bëjnë me plotësimin e kushteve teorike, shkruan sot “Koha Ditore”. Kur të dilet në aplikimin e këtyre kritereve në praktikë, atëherë do të vihen në pah sfidat më të mëdha, thonë njohësit e kësaj fushe.
MSA-ja, një dokument i ratifikuar nga Kuvendi i Kosovës në nëntor 2015, e obligon Kosovën të ndërmarrë një varg masash dhe reformash me qëllim të integrimit në Bashkimin Evropian (BE). Janë 146 masa që bien nën përgjegjësinë e komunave të Kosovës.
Të gjitha kriteret që duhet t’i përmbushë Kosova, e rrjedhimisht edhe niveli lokal që dalin nga MSA-ja, ndahen në kritere ekonomike, politike dhe ato të standardeve evropiane.
(Artikullin e plotë mund ta lexoni sot në “E Diela me Koha Ditore”)
-
Kosova ka humbur shumë para të BE-së – pyetja është sa
-
BE: Kosovës i duhen institucione funksionale për të përshpejtuar reformat dhe rrugën evropiane
-
Presidenca irlandeze e BE-së jep pak shpresa për Kosovën
-
Costa: BE-ja s’mund t’ia kryejë detyrat e shtëpisë Kosovës
-
Costa: Kosovës i nevojiten institucione të forta dhe zbatim i dialogut për avancimin drejt BE-së