20 nxënësit e shkollës fillore “Tefik Çanga” në fshatin Koliq të kryeqytetit, udhëtojnë nga 4 km çdo ditë.
Kjo për arsye se kulmi i shkollës, në të cilën ata mbanin mësimin javë më parë është kapluar nga zjarri, raporton KTV.
Prindërve të këtij fshati u duhet që të gjejnë mënyra të ndryshme që t’i dërgojnë fëmijët e tyre në një paralele tjetër.
Ata janë të zhgënjyer nga Komuna e Prishtinës, pasi që kjo e fundit u ka premtuar që do të investojë për rregullimin e këtij objekti.
Banorët e fshatit Koliq kanë paralajmëruar se do t’i ndalin fëmijët nga vijimi i mësimeve nëse deri në javën e ardhshme komuna nuk ndërmerr asgjë.
Edhe
Komuna s’mban premtimin për rregullimin e kulmit të djegur në shkollën e Koliqit, banorët në protestë
Ndërkaq, nga Komuna e Prishtinës thonë se është në procedurë të rregullimit dhe se pjesa e dëmtuar nuk e pengon zhvillimin e procesit mësimor.
Kulmi i shkollës fillore “Tefik Çanga” është kapluar nga zjarri në fillim të muajit nëntor, e shkaqet e zjarrit ende nuk janë bërë të ditura.
