Komuna e Prishtinës u bën thirrje bizneseve dhe amvisërive që mbetjet e djegieve (hirin), të mos i hedhin në kontejnerët e plastikës, për shkak të dëmeve që po i shkaktojnë në vazhdimësi.
“Mbetjet e djegieve, vetëm pasi të ftohen, duhet të hidhen në thasë të plastikës, dhe të vendosen pranë kontejnerëve. Kompania “Pastrimi”, do ta bëjë largimin e tyre”, thuhet në një njoftim të Komunës së Prishtinës.
Djegia e kontejnerëve përveç që po shkakton dëme materiale, paraqet rrezik edhe për mjedisin përreth.
“Drejtoria e Inspekcionit në bashkëpunim me Policinë e Kosovës do të mbikëqyrin këtë proces, dhe kudo që e identifikojnë shkaktarin do të shqiptojnë gjoba”, thuhet tutje.
Artikuj të ngjashëm
-
Thirrje publike për parandalimin e djegies së kontejnerëve
-
100 kontejnerë të plastikës u dogjën për një vit në Prishtinë
-
Agjencia e Mjedisit kërkon marrjen e masave për parandalim të zjarreve në deponitë e mbeturinave
-
Komuna e Prishtinës: Mos hidhni mbeturina në puseta
-
Zjarr në Veternik, Komuna apelon për kujdes