Drejt Gjermanisë është nisur sot ish-kryeministri Mustafa, ku në një qendër të specializuar rehabilituese do të trajtohet nga pasojat që i la gripi.
Ditë më parë, ish-kryeministri i vendit nisi trajtimin në Spitalin Amerikan, institucion privat, i cili sot nëpërmjet një njoftimi zyrtar thotë se Mustafa ka simptoma të lodhjes, plogështisë gripale dhe dobësim të gjymtyrëve, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSpitali thotë se gjendja shëndetësore e Mustafës është normalizuar, por i është rekomanduar trajtim i mëtutjeshëm fizikal.
Edhe këshilltari i tij, Besnik Berisha, ka bërë të ditur se si pasojë e gripit ka pasur disa komplikime.
Gatishmëri për t’i ndihmuar financiarisht si institucione kanë shprehur presidenti i vendit, Hashim Thaçi, dhe kryeministri Ramush Haradinaj.
Shpenzimet për tretmanin mjekësor të marrë në vend, Berisha tregon se janë mbuluar nga familja, mirëpo nuk mohon mundësinë e të kërkuarit ndihmë nga institucionet.
Jozyrtarisht është kuptuar se dyshohet që Mustafa mund të jetë prekur nga sindroma “Gijan Barre”, por spitali nuk e ka konfirmuar këtë.
Sindroma “Gijan Barre” shkakton godet sistemin imunitar dhe nervor periferik.
Kjo sëmundje shkakton dobësi të muskujve e në rastet ekstreme mund të shkaktojë edhe paralizën.