Kryeministri Ramush Haradinaj, pas shkarkimit të Komisionit Shtetëror për shënjimin dhe mirëmbajtjen e kufirit shtetëror që udhëhiqej nga Murat Meha, i la përgjegjësinë Shpejtim Bulliqit, i cili edhe është kundërshtar i versionit të marrëveshjes së arritur me Malin e Zi.
Bulliqi në një prononcim për Koha.net, ka thënë se për formimin e ekipit ende janë duke u analizuar gjërat. Ai me një përgjigje të shkurtër ka thënë se “Deri tash nuk ka asgjë konkrete”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor një listë e cila po qarkullon nëpër rrjete, tregon se lista është formuluar e megjithatë ende jozyrtarisht është bërë e ditur një gjë e tillë. Pjesë e kësaj liste është edhe Zenjullah Gruda, profesor në Universitetin e Prishtinës.
Gruda i kontaktuar nga Koha.net, ka thënë se beson që është pjesë e ekipit të komisionit për Demarkacion, por se ende nuk ka marrë asnjë informatë zyrtare.
“Besoj se edhe unë jam pjesë e ekipit, por asgjë nuk është zyrtare”, ka thënë ai për Koha.net.
Pjesë e kësaj liste jozyrtare janë edhe Martin Berishaj, Hamit Basholli, Florim Isufaj, një përfaqësues nga MPJ, një përfaqësues nga MPB, një nga ministria e Infrastrukturës dhe Riza Smakaj dhe Zymer Neziri, të dy përfaqësues të komunitetit.
