Koalicioni për Integritet dhe Transparencë në Universitet (KITU) është duke vëzhguar me kujdes vendimet e fundit të Qeverisë të Kosovës lidhur me Agjencinë e Kosovës për Akreditim (AKA), njofton kumtesa e këtij koalicion të OJQ-ve, transmeton Koha.net.
Në kumtesë theksohet se nuk janë dhënë sqarime të mjaftueshme për shkarkimin en bloc të të gjithë anëtarëve të Bordit të AKA-së, gjë që ka shkaktuar dilema për kapacitetin e Agjencisë për të vepruar jashtë ndikimit të politikës ditore, si në vend ashtu edhe tek partnerët ndërkombëtarë.
Të vetëdijshëm për rolin e AKA-së në arsimin e lartë në vend, vlerësojmë se është e rëndësishme të kemi një proces të ligjshëm dhe transparent të përzgjedhjes të anëtarëve të rinj të bordit të këtij institucioni.
Për këtë arsye, siç thotë kumtesa, ne, organizatat anëtare të këtij Koalicioni, kërkojnë që të plotësohet obligimi ligjor për raportim në Kuvend në lidhje me shkarkimin e të gjithë anëtarëve të Bordit të AKA, në përputhje me nenin 7, pika 5 e Ligjit për Arsimin e Lartë në Republikën e Kosovës.
Në fund të kumtesës, KITU kërkon të bëhet ratifikimi në Kuvend i anëtareve të rinj të emëruar nga ministri i Arsimi, Shkencës dhe Teknologjisë
Edhe
KITU i shqetësuar me përjashtimin e AKA-s nga EQAR
Koalicioni për Integritet dhe Transparencë në Universitet (KITU) përbëhet nga këto OJQ:
Fondacioni Kosovar për Shoqëri të Hapur (KFOS)
Sbunker
Organizata për Rritjen e Cilësisë në Arsim (ORCA)
Demokracia për Zhvillim (D4D)
Edhe
KITU rikujton fajin e kryeministrit për përjashtimin e AKA-së nga ENQA dhe pasojat
Qendra për Arsim e Kosovës (KEC)
OJQ Admovere
Qendra ENCOMPASS
Instituti EdGuard
Edhe
Universitetet e kolegjet s’ka kush t’i monitorojë
Organizata Çohu
Qendra për Kurajo Politike (CPC)
