Kërkohet që fondi pensional të diskutohet në dialogun Kosovë - Serbi

Borxhi nga Serbia për pensionistët e Kosovës duhet të jetë temë diskutimi edhe në dialogun Kosovë – Serbi.

Kështu u tha në tryezën e diskutimit lidhur me “Statusin e Fondit Pensional të Kosovës në kontekstin e dialogut Kosovë – Serbi”, të organizuar nga Instituti Demokratik i Kosovës në bashkëpunim me Komisionin Parlamentar për Shëndetësi, Punë dhe Mirëqenie Sociale.

Ky fond sipas pensionistëve është grabitur edhe për kundër njohjes nga të gjitha instancat ndërkombëtare.

Kryetarja e komisionit, Besa Baftiu tha se po diskutojnë për një temë të folur tash e sa vite, mirëpo e cila asnjëherë nuk është diskutuar në dialogun Kosovë-Serbi, transmeton KP.

“Ne si deputetë jemi dëshmitarë se dialogu Kosovë -Serbi ka qenë jotransparent, ngase marrëveshjet e arritura në Bruksel janë bërë publike në kuvend vetëm pas nënshkrimit. Kjo temë është trajtuar mjaft, mirëpo duhet të jetë e trajtuar në të ardhmen edhe në dialogun Kosovë - Serbi. Serbia ka miliarda euro në Fondin Pensional të Serbisë dhe nuk i ndan ato që i takojnë pensionistëve të Kosovës”, ka thënë Baftiu.

Edhe Arbëri 20 qer 2018 Kosova në pritje të kthimit të Fondit Pensional nga Serbia

Bahri Xhaferi, udhëheqës i Departamentit të Pensioneve në MPMS, ka thënë se sistemi aktual është vështirë të realizohet.

Ndërsa Shaban Kajtazi, kryetar i Lidhjes së Pensionistëve, tha se deri më sot mungojnë rezultatet për t’i kthyer fondet.