Malishevë, 16 gusht - Nga sot edhe zyrtarisht, sistemi i kamerave të sigurisë të vendosura në qytetin e Malishevës, do të jenë të mbikëqyrura nga ana e Policisë së Kosovës.
Për këtë qëllim, sot në Malishevë ka qëndruar edhe drejtori i Drejtorisë Rajonale të Policisë-Gjakovë, kolonel Lumni Graishta, i shoqëruar edhe nga komandanti i stacionit policor në Malishevë, kapiten Azem Krasniqi, të cilët janë takuar me kryetarin e Komunës së Malishevës, Ragip Begaj, dhe kanë nënshkruar marrëveshjen e bashkëpunimit për kalimin e sistemit të kamerave të sigurisë në mbikëqyrje të Policisë së Kosovës.
Kjo është bërë me qëllim të rritjes së sigurisë publike për qytetarët dhe pronën në qytetin e Malishevës. Komuna e Malishevës, ka investuar në vendosjen e sistemit të kamerave të sigurisë me qëllim të rritjes së ofrimit të sigurisë publike.
-
Situata e sigurisë në Malishevë vlerësohet stabile
-
Malisheva vendos kamera vëzhguese të sigurisë, opozitari kërkon respektimin e privatësisë
-
Malisheva nga sot nën vëzhgimin e kamerave të sigurisë
-
Arrestohet një person në Malishevë, publikoi video duke shtënë me armë
-
Të gjitha rrugët në komunën e Malishevës janë të kalueshme