Tiranë, 17 nëntor – Ministria e Mbrojtjes e Shqipërisë ka kallëzuar penalisht në Prokurorinë e Tiranës për “dezertim” 4 efektivë ushtarakë të Forcave të Armatosura të Shqipërisë .
Në njoftim zyrtar nga Ministria e Mbrojtjes e Shqipërisë, theksohet se 4 efektivët kanë qenë duke kryer detyrën e tyre jashtë vendit (në Britani të Madhe) dhe nuk janë kthyer në Shqipëri pas përfundimit të saj.
“Ministria e Mbrojtjes bën me dije se 4 efektivë ushtarakë, që kanë qenë duke kryer detyrën e tyre jashtë vendit, nuk janë kthyer në Shqipëri pas përfundimit të saj. Sipas 'Kodit Penal Ushtarak', ndaj 4 efektivëve, pranë Prokurorisë së Rrethit Tiranë është depozituar kallëzim penal 'Për dezertim'. Prej disa javësh, çështja është në hetim nga ana e autoriteteve përkatëse”, thuhet ndër të tjera në njoftim.
Katër ushtarët komando të Forcave të Armatosura të Shqipërisë ishin për një trajnim në Britaninë e Madhe dhe pas përfundimit të trajnimit ato nuk janë kthyer në vendin e shërbimit.
Dyshohet se ata janë arratisur duke u fshehur në Britaninë e Madhe, ndërkohë që duhej të ishin kthyer në Shqipëri.
-
“The Sun” shkruan se ku mund të jenë të fshehur katër komandot që dezertuan
-
Ekstradohen nga Dubai tre kriminelët shqiptarë
-
Mbërrijnë në Shqipëri 40 migrantët e dëbuar nga Britania, 32 prej tyre të dënuar me 89 vjet burgim
-
Shqipëria e nervozuar me Britaninë për emigrantët
-
Dy për qind e burrave të Shqipërisë emigruan në Britani sivjet