Vettingu është pa alternativë.
Ky është përfundimi, në të cilin ka arritur rrjeti i OJQ-ve në Javën kundër korrupsionit.
Sipas raportit 45 faqesh të nxjerrë nga disa organizata bashkë, del se prej vitit 2010 e deri tash, sistemi i drejtësisë, përfshirë Policinë, Prokurorinë dhe Gjyqësorin, është përfshirë në shkelje të shumta ligjore dhe skandale të përmasave të mëdha, të cilat e kanë ulur besimin e qytetarëve.
Raporti thotë se shteti është i kapur dhe korrupsioni është endemik.
Mosndëshkimi i veprimtarive korruptive, sidomos të profilit të lartë, dëshmon për amnistinë e tërësishme që u bëhet politikanëve të korruptuar.
Në burgjet e Kosovës ende nuk vuan burg efektiv asnjë zyrtar i profilit të lartë dhe kjo, sipas tyre, tregon se sistemi i drejtësisë është skajshmërisht i ndikuar nga politika.
Edhe
Berisha: Prokurorët e përjashtuar shkaku i aferave, sot janë avokatë sekserë
Mbështetje vettingut i kanë dhënë edhe përfaqësues të partive politike opozitare, derisa deputetët e partive në pushtet pranojnë se ka probleme në sistemin e drejtësisë, por thonë se nuk është i kapur.
Java Kundër Korrupsionit do të mbyllet këtë të premte.
