Në qytetin e Vushtrrisë, një lagje e tërë ka filluar të transformohet. E shtrirë pjesërisht në rrafshinën e Novosellës, nga ku shihen kodrat e Gorelakut në largësi, kësaj zone po i bëhet zgjidhje njëherë e mirë me furnizimi të energjisë elektrike. Rrjeti elektrik që dikur kalonte nëpër fusha e toka private, sot po bartet përskaj rrugës.
Në Bahri Kuç të Vushtrrisë, KEDS është në përfundim të investimeve në rrjetin elektrik, ku shtyllat e vjetra të drurit që dikur ishin vendosur nga vetë banorët, sot po zëvendësohen me shtylla krejt të reja të betonit e me kabllo që do të rrisin sigurinë e furnizimit dhe sigurinë në komunitet.
Linja e tensionit të ulët dhe atij të mesëm po bëhet e re, e për të përballuar kërkesën e furnizimit me energji atje është vendosur edhe një trafo.
Më parë, banorët e kësaj lagje ishin në hallë me energji jo kualitative ndërsa nga rreziku që i kanoste fëmijët e tyre për shkak të shtyllave, ata detyroheshin që fëmijët t’i dërgonin vetë në shkollë.
Një banor i këtij fshati, i cili në oborrin e tij ka edhe punëtori ku realizon punë të ndryshme, tregon se sa i rëndësishëm është për të një investim i tillë nga KEDS.
“Unë bëj punimin e pjesëve të ndryshme për makina bujqësore. Përpara kemi pas problem shumë me rrymë. Rryma u kon shumë e dobët e nganjëherë edhe pajisjet ndaleshin. Tash falë këtij investimi të KEDS, rrjeti qysh po e shoh po bohet i ri, një trafo na kanë vendos në fshat dhe nuk besoj që kena me pas ma problem”, tregon Sheremet Ademi.
Edhe
KEDS me investim në Vushtrri, zgjidh problemin e energjisë elektrike për shtatë fshatra
Ndërkaq, Bajram Hyseni, tregon sesi ndër vite në këtë zonë është rritur me të madhe ndërtimi i shtëpive të reja, ndërsa investimet e KEDS i ka pritur me padurim.
“Unë kur jam dal këtu para 20 vite, kam qenë i fundit. Pas këtyre viteve, janë bërë me qindra shtëpi të reja. Kur patëm dal këtu, na si banorë vet e patëm pru rrymën e disa shtylla. Mirëpo më vonë janë shfaq problemet. Tash, KEDS ka bo një investim të jashtëzakonshëm, krejt janë përmirësu. Është duke u bo një punë aq e mirë sa po na duket pak e pabesueshme.”, përfundoi Hyseni.
Këto investime tregojnë përkushtimin e kompanisë për përmbushjen e premtimeve dhe vendosmërinë për të qenë sa më afër konsumatorit.
