Prishtinë, 24 nëntor - Kryeministri i Republikës së Kosovës, Ramush Haradinaj, priti në takim Kryetarin e Bordit të Shoqatës së Përpunimit të Drurit në Kosovë, Hashim Deshishku dhe drejtoreshën ekzekutive, Arieta Vula-Pozhegu.
Kryeministri Haradinaj vlerësoi lart arritjet e këtij sektori në Kosovë, duke theksuar se sektori i industrisë së drurit ka rëndësi të madhe në zhvillimin ekonomik të vendit.
Ai po ashtu i siguroi se do të jetë në përkrahje të këtij sektori, në mënyrë që t’iu mundësohet prodhuesve të industrisë së drurit që të jenë konkurrentë edhe me prodhimet e Bashkimit Evropian.
Përfaqësuesit e Bordit të Shoqatës së Përpunimit të Drurit në Kosovë e kanë njoftuar kryeministrin Haradinaj për gjendjen aktuale në industrinë e përpunimit të drurit dhe problemet me të cilat ballafaqohen ata.
Në takim është biseduar, po ashtu, për gjendjen aktuale të industrisë së drurit në Kosovë dhe për organizimin e Konventës së Dytë të Industrisë së Drurit, e cila ka për qëllim rritjen e konkurrueshmërisë së kësaj industrie krahas industrive tjera.
-
Haxhiu takohet me kryeministrin çek, i kërkon mbështetje tutje për Kosovën
-
Kurti lavdërohet për tërheqje të investimeve. OEK: Asnjë kompani serioze s’investoi viteve të fundit
-
Kurti takohet me Kallasin, kërkon që Kosovës t'i jepet statusi i vendit kandidat për anëtarësim në BE
-
Kurti takohet me kryeministrin e shtetit që s’e njeh Kosovën, bisedojnë për rritje të bashkëpunimit
-
Kriza politike po i kushton shtrenjtë ekonomisë së Kosovës