Deputetja e PDK-së, Eliza Hoxha, në një konferencë për medie ka kundërshtuar tentimin e komunës së Prishtinës për ta miratuar Planin Zhvillimor Komunal për tetë vitet e ardhshme.
Hoxha ka thënë se dokumenti i cili po tentohet të kalojë është një prej dy dokumenteve më të rëndësishme për Prishtinën.
“Qeverisja aktuale po dëshiron që Planin Zhvillimor Komunal, si dokument pararendës i Hartës Zonale, ta kalojë pa diskutime të gjera e të mirë-organizuara publike, pa pjesëmarrje, pa transparencë”, ka thënë Hoxha.
Sipas saj, qeverisja e kujtdo qoftë nesër në Prishtinë, nuk ka asnjë kuptim nëse planin për 8 vitet e ardhshme të qytetit e bën dikush tjetër në ikje.
“Po e përsëris, ky plan që pritet të hidhet në diskutim publik e vulos “zhvillimin” e Prishtinës për 8 vitet e ardhshme”, ka thënë ajo.
-
Hoxha: Programi i VV-së ka vetëm një fletë më shumë nga ai i kaluari
-
Sërish s’ka kuorum për Planin Zhvillimor për Prishtinën
-
Dështon sërish seanca e Kuvendit të Prishtinës për ta çuar përpara procesin e miratimit të PZHK-së
-
Rama: Opozita po kërkon transparencë, por po e bllokon PZHK-në të dalë në konsultim publik
-
Rama: Nëse PZHK-ja nuk votohet sot, qytetarëve u mohohet e drejta të jenë pjesë e procesit