Ish-kryeministri Avdullah Hoti ka vlerësuar se deklarata e kryeministrit Albin Kurti për rrezik të luftës në rajon është bërë me qëllimin “për të mbuluar dështimin në qeverisje”.
Megjithatë, sipas deputetit të LDK-së, asnjë Qeveri në rajon nuk mundet dhe s’guxon të mendojë të nisë luftë.
“Shqipëria, Mali i Zi dhe Maqedonia e Veriut janë në NATO. Ndërkaq, NATO-ja është e vendosur në Kosovë dhe Bosnjë e Hercegovinë. Serbia është e rrethuar me anëtarë të NATO-s”, ka shkruar Hoti të shtunën në Facebook.
Sipas Hotit, “e gjitha çfarë mund të jetë e pritshme të ndodh, është përballja e Kosovës dhe rajonit me kolaps ekonomik dhe demografik”.
“Gjithmonë nëse nuk zbatohen politikat e duhura, nëse nuk lëvizet më shpejt drejt integrimit evropian dhe nëse nuk zgjidhen mosmarrëveshjet ekzistuese. Disa politikanë që e përmendin luftën, e bëjnë për të mbuluar dështimin në qeverisje. E bëjnë për të zhvendosur vëmendjen e opinionit nga kriza energjetike, inflaconi i lartë e pakënaqësitë sociale”, ka përfunduar Hoti.
-
Hoti i reagon Kurtit: Nga Kosova duhet të dërgohen mesazhe që nxisin pozitivitet
-
Kurti: Rrezikun e një agresioni të hapur ushtarak e kemi jo larg kufijve
-
Kurti alarmon për “hakmarrje” nga Serbia
-
Kurti në Londër: Armatimi i Serbisë shpërfaq synimin për eskalimin e situatës në rajon
-
Hoti: Jemi të gatshëm për zgjedhje, Kurti ka sjellë vetëm dështime