Deputeti i Partisë Demokratike të Kosovës, Bekim Haxhiu, ka kritikuar Ministrin e Shëndetësisë se po e ul me qëllim numrin e testimeve për COVID-19.
Sipas Haxhiu, kjo po bëhet për të paraqitur rrejshëm rënien e rasteve me COVID-19.
“Ministria e Shëndetësisë po zvogëlon numrin e testimeve qëllimisht për të paraqitur rrejshëm rënien e numrit të rasteve me COVID-19. Nëse MSH-ja dëshiron rrejshëm me zvogëlu numrin e rasteve, munden me i ba vetëm 50-60 teste qysh i kanë bërë një vit me parë dhe ju dalin vetëm nga 5-6 raste pozitive”, ka shkruar Haxhiu në Facebook.
Ai e ka argumentuar kritikën me numrin e testimeve që janë kryer ditën e premte krahasuar me ditën e shtunë.
“Nga 5.502 teste sa u bënë dy ditë më parë, sot janë bërë 4.351 teste RT-PCR, apo 1.151 më pak teste”, shkroi ndër të tjera Haxhiu.
Deputeti i PDK-së bëri thirrje që Ministria e Shëndetësisë të mos ndërhyjë në punën e IKSHPK-së, ndërsa shtoi se pandemia mposhtet duke rritur numrin e të vaksinuarve, e jo duke zvogëluar numrin e testimeve.
-
Haxhiu: Qeveria po e zvogëlon numrin e testimeve për t’i ulur shifrat e të infektuarve
-
PDK-ja kërkon miratimin e ligjit anti-COVID
-
Haxhiu kërkon rinumërimin e të gjitha votave të kandidatëve të PDK-së
-
Haxhiu: Me rritjen e buxhetit në shëndetësi është rritur edhe korrupsioni
-
Vitia: Hera e parë në 7 vjetët e fundit që shifra e ikjes së mjekëve është ulur