Kryetari i Aleancës për Ardhmërinë e Kosovës, Ramush Haradinaj, ka thënë se shpërthimet e fundit në veri janë pasojë e politikës së gabuar të Qeverisë.
Në një status në Facebook të premten, Haradinaj ka thënë se naiviteti dhe mosnjohuria e problemit në esencë nga zyrtarët e Qeverisë po rrezikon infrastrukturën strategjike të Kosovës.
“Shpërthimi i sotshëm në Ibër si edhe shpërthimi i mëparshëm në Zubin Potok manifeston mungesën e qasjes proaktike të Qeverisë së Kosovës dhe është pasojë e një politike krejt të gabuar të Qeverisë dhe Lëvizjes Vetëvendosje në këtë pjesë të Kosovës. Institucionet e sigurisë të punojnë ngushtë me KFOR dhe prezencën amerikane. Naivitieti dhe mosnjohuria me esencën e problemit nga ana e zyrtarëve politikë të Qeverisë po rrezikon infrastrukturën strategjike të Kosovës. Mjaft më me filma!”, ka shkruar Haradinaj.
Në dy ditët e fundit, në veri pati disa incidente. Në Zveçan u gjuajtën bomba në stacionin policor dhe në oborrin e komunës. Ndërsa në orët e vona të së premtes, një shpërthim dëmtoi kanalin e Ibër-Lepencit në Zubin-Potok.
Për këtë, Policia të premten njoftoi se ka rritur masat e sigurisë në të gjithë vendin.
-
Haradinaj për dëmet nga përmbytjet: Të ndahen pa vonesë fondet emergjente
-
Haradinaj: Gjendja me rrymën alarmante, investimi në kapacitete të reja është urgjent
-
Haradinaj kritikon Qeverinë në detyrë: Ka përkeqësuar kushtet e punëtorëve
-
Hamza kritikon qeverinë për stagnim: Zgjedhjet mundësi për t’i thënë mjaft politikës së bllokadës
-
Haradinaj paralajmëron protesta