Kryeministri i Republikës së Kosovës, Ramush Haradinaj, ka pritur në takim përfaqësuesit e Odës Ekonomike Indo-Kosovare, Anil Mishra, përfaqësues i komunitetit të biznesit indian dhe Valdet Xhemajli, kryetar i Odës Ekonomike Indo - Kosovare, me të cilët ka biseduar për zhvillimet aktuale në vend dhe mundësinë e rritjes së bashkëpunimit ekonomik ndërmjet dy vendeve.
Siç thuhet në komunikatë, Haradinaj ka njoftuar përfaqësuesit e Odës Ekonomike Indo - Kosovare, për prioritet e Qeverisë së Kosovës, hapat e ndërmarrë në krijimin e lehtësirave për bizneset që investojnë në Kosovë, përmes legjislacionit, krijimit të zonave të lira ekonomike, dhe për Ligjin për Investime Strategjike i cili krijon kushte të përshtatshme për investitorët e huaj potencialë.
Gjatë takimit, Haradinaj ka thënë se Republika e Kosovës mirëpret investimet e huaja të cilat nxisin zhvillimin ekonomik dhe hapjen e vendeve të reja të punës.
Duke mirëpritur investimet nga India, Haradinaj tha se Qeveria e Kosovës do të jetë partnere e investitorëve, sipërmarrësve, dhe sektorit privat në përgjithësi.
Nga ana e tyre, përfaqësuesit e Odës Ekonomike Indo - Kosovare, Anil Mishra, përfaqësues i komunitetit të biznesit indian dhe Valdet Xhemajli, kryetar i Odës Ekonomike Indo - Kosovare, thanë se kjo Odë do të jetë urë lidhëse ndërmjet bizneseve indiane dhe atyre kosovare.
-
Investitori nga Omani shpreh interesim për investime në sektorë të ndryshëm në Kosovë
-
Haradinaj u thotë biznesmenëve amerikanë se Kosova ofron kushte të mira për investime
-
Haradinaj: Kosova në hartën e vendeve atraktive dhe të sigurta për investitorët e huaj
-
Haradinaj thotë se Kosova është e hapur për investime nga Arabia Saudite
-
Kurti: Strategjia e Qeverisë për zhvillim ekonomik është mbështetja e prodhuesve vendorë