Policia e Kosovës ka njoftuar njësitet e saj nga Drejtoria për hetimin e krimeve të luftës, në koordinim me Institutin e Mjekësisë Ligjore dhe Komisionin Qeveritar për Persona të zhdukur, në fshatin Brod të Shtërpcës kanë gjetur mbetje eshtërorë të cilat dyshohet si i përkasin një personi.
Rasti është cilësuar si “Person i zhdukur”, por nuk janë dhënë sqarime të mëtejme.
Mbetjet thuhet se janë tërhequr nga Instituti i Mjekësisë Ligjore për ekzaminime.
“Më 12.11.2026 njësitet policore nga Drejtoria për Hetimin e Krimeve të Luftës, në koordinim me IML-në dhe KQPZh-në, në lokacionin e cekur kanë hasur në mbetje eshtërore me prejardhje njerëzore, të cilat dyshohet se i përkasin një personi. Mbetjet eshtërore janë tërhequr nga IML për ekzaminime të mëtutjeshme mjeko-ligjore”, thuhet në njoftimin e Policisë.
Rasti është duke u hetuar.