Fushë Kosova sot do të ketë ndërprerje të ujit të pijshëm nga ora 11- 17

Kompania Rajonale e Ujësjellësit ,, Prishtina,, sh.a. njofton konsumatorët e lagjes Kalabria, Zona industriale në Fushë Kosovë dhe konsumatorët e pjesës dërmuese të komunës së Fushë Kosovës se gjatë ditës së sotme, 19 mars 2019, duke filluar nga ora 11.00 deri në orën 17.00 , do të kenë ndërprerje të furnizimit me ujë të pijshëm.

“Ndërprerja e ujit të pijshëm në këto zona do të bëhet për shkak të punimeve teknike në afërsi të kazermës ,, Adem Jashari,, në Prishtinë, gjegjësisht sanimit të një tubacioni në rrjedhje uji”, thuhet në njoftimin e Ujësjellësit ‘Prishtina’.