Ministria e Punëve të Jashtme e Francës ka thënë se është kyçe për sigurinë e Evropës që menjëherë të ndalen tensionet në veri të Kosovës. 30 ushtarë të KFOR-it kanë marrë lëndime, ndërsa tre nga ta nga armët e zjarrit gjatë protestave të serbëve në tri komunat në veri, Leposaviq, Zubin-Potok e Zveçan, kundër ushtrimit të detyrës brenda objekteve të komunave nga kryetarët e rinj.
“Është më se kyçe se kurdo herë që Prishtina dhe Beogradi të tregojnë përgjegjësi duke u kthyer në tavolinën e negociatave me qasje kompromisi në shërbim të paqes dhe prosperitetit për qytetarët serbë dhe kosovarë”, ka thënë zëdhënësja e MPJ-së së Francës, Anna-Claire Legendre.
Ajo ka bërë thirrje për shtensionim.
“Nuk mund të pranojmë që stabiliteti rajonal të vihet në rrezik duke pasur parasysh kontekstin kritik ndërkombëtar. Është çështje e sigurisë evropiane”, ka shtuar ajo.
MPJ-ja e Francës ka dënuar dhunën në veri dhe u ka bërë thirrje “në veçanti Qeverisë së Kosovës, që të marrë masat e nevojshme që menjëherë të ulen tensionet”.
-
Adresohen thirrje për shtensionim - 30 ushtarë të KFOR-it të lënduar, tre me armë zjarri
-
KFOR-i fton Kosovën e Serbinë të marrin përgjegjësi për situatën në veri
-
Franca u kërkon “palëve” në veri ulje të tensioneve
-
MPJ-ja e Zvicrës kërkon që përgjegjësit e sulmeve në veri të sillen para drejtësisë
-
93 trupa të KFOR-it mbetën të lënduar nga tensionet në veri