Komandanti i FSK-së, gjenerallejtënant Rrahman Rama, gjatë një vizite zyrtare në Gardën Kombëtare të Iowas është takuar me komandantin e kësaj garde, gjeneralmajor Timothy Orr, me të cilin bisedoi për bashkëpunimin dhe shkëmbimin e përvojave në mes dy forcave, si dhe për avancimin e këtij bashkëpunimi në të ardhmen.
Gjeneral Rama gjatë vizitës së tij po ashtu ka vizituar njësitë dhe Shtabin e Përbashkët të Gardës Kombëtare të Iowas dhe Institutin Regjional të Trajnimit, Qendrën e Trajnimit për Mbështetje, si dhe Komandën e Gardës Kombëtare Ajrore të Iowas.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjatë takimeve që gjeneral Rama zhvilloi në këto qendra, ndër tjera, nga drejtuesit e tyre kërkoi mbështetjeje për pjesëtarët e FSK-së në fushën e mirëmbajtjes, mjekësisë ushtarake, mbrojtjes kibernetike si dhe në fushën e zhvillimit profesional të udhëheqjes.
Gjatë vizitës, delegacioni i FSK-së i përbërë nga kolonel Ilir Qeriqi, atashe i FSK-së në SHBA, rreshter major Genc Metaj- rreshter major i Komandës së FSK-së dhe majori Berat Shala, asistent ushtarak i KOMFSK, është shoqëruar nga konsulli gjeneral i Kosovës në Ajova, Xhavit Gashi.
Rrahman Rama dhe rreshter majori Genc Metaj morën pjesë edhe në Paradën e Veteranëve, e cila organizohet me rastin e panairit të bujqësisë në Des Moines Iowa.
Komandanti i FSK-së vazhdon vizitën zyrtare në SHBA deri më 20 gusht, ku pritet të realizojë vizita dhe takime pune në Gardën Kombëtare të Iowas.