Kryetari i Komunës së Gjakovës, Ardian Gjini e ka emëruar sot nënkryetarin e kësaj komune. Nënkryetar do të jetë sërish, për mandatin e dytë Flamur Fetahaj.
Njoftimin e ka dhënë të mërkurën vetë Fetahaj.
"Sot, zyrtarisht, nga Kryetari Gjini, kam pranuar detyrën si Nënkryetar i Komunës së Gjakovës për këtë mandat të ri qeverisës", ka njoftuar në orët e mbrëmjes Fetahaj, në llogarinë e tij në Facebook duke shprehur falënderime për besimin që i është dhënë. "Kjo detyrë, është privilegj e mbi të gjitha përgjegjësi për t’iu shërbyer me nder bashkëqytetarëve të mi. Bashkë me Kryetarin Gjini dhe bashkëpunëtorët tanë, na presin angazhime dhe projekte me vlerë për Gjakovën tonë".
Artikuj të ngjashëm
