Familja Berisha rrëfen për pritjen 27 vjeçare të eshtrave të familjarit të vrarë në luftën e Bosnjës

Mes lotësh e dhimbjeve, Driton Berisha pranoi eshtrat e babit të tij, për të cilin nuk kishte ditur asgjë për 27 vjet. Këtë të martë, shteti i Bosnjës ia dorëzoi familjes eshtrat e Rifat Berishës, i cili ishte vrarë në luftën e fundit në këtë shtet.

Dritoni ishte vetëm 7-vjeçar kur e kishte parë për herë të fundit babanë e tij, raporton KTV.

Ai inkurajon të gjithë ata që ende i kanë familjarët e zhdukur, që të mos dorëzohen dhe t’ kërkojnë ata. Dritoni shton se për këtë nuk u ka ndihmuar fare Qeveria.

Rifat Berisha kishte imigruar në Slloveni në vitet e '80, por, në vitin 1992, Rifati ia kishte mësyrë Kosovës për t’i rregulluar dokumentet e familjes së vet, për t’i marrë në Slloveni.

Për gruan e Rifatit ishte shumë e vështirë që t’i rriste e vetme 5 fëmijët, por më e vështirë se kjo për të ishte se deri tash vonë nuk dinte asgjë për fatin e bashkëshortit të saj.

Edhe Arbëri 11 sht 2019 I zhdukur para 27 vitesh në Bosnje, kthehen në Kosovë eshtrat e Rifat Berishës

Eshtrat e Rifatit i pritën edhe shumë bashkëvendës të tij në fshatin e lindjes, Gurë Madh të Komunës së Malishevës. Të enjten, do të mbahet ceremonia e varrimit të tij.

E, në këtë komunë, 38 persona llogariten të zhdukur.