Kuvendi i Federatës Europiane të Gazetarëve (EFJ) sot e ka miratuar njëzëri Rezolutën me të cilën kërkohen hetime rreth vrasjes së gazetarëve në Kosovë, transmeton Koha.net.
Rezoluta është propozim i Shoqatës së gazetarëve të Serbisë, i shoqatave të tjera gazetare nga ky shtet si dhe nga Asociacioni i Gazetarëve të Kosovës (AGK).
Ajo kërkon hetime efikase rreth vrasjes dhe rrëmbimit të gazetarëve në Kosovë në periudhën 1998 - 2005.
Sipas b92, kërkohet hetim më efikas për rrëmbimin e gazetarëve Gjuro Slavuj e Ranko Pereniq, vrasjn e Afrim Maliqit, Enver Malokut, Aleksandar Simoviqit, Kristë Gegajt, Momir Stokuqas, Shefki Popovës, Xhemal Mustafës, Bekim Kastratit dhe Bardhyl Ajetit dhe zhdukjen e Lubomir Knezheviqit dhe Marjan Melonashit si dhe rrëmbimin e Mila Buleviqit.
Me rezolutë kërkohet bashkëpunimi i prokurorëve të Beogradit te të Prishtinës për zgjidhjen e këtyre rasteve.
Kuvendi u mbajt në Lisbonë.
-
Parlamenti Evropian pritet ta miratojë një rezolutë për raportet Kosovë-Serbi
-
Sulmet ndaj gazetarëve në veri të Kosovës, reagon Federata Ndërkombëtare e Gazetarëve
-
Kërkohet drejtësi për gazetarët e vrarë dhe të zhdukur në Kosovë
-
AGK-ja kërkon ndëshkimin e dhunës ndaj gazetarëve
-
Rastet e gazetarëve të vrarë në Kosovë prezantohen në Platformën e KE-së