Pas Bankës Qendrore të Kosovës, edhe Fondi i Kursimeve Pensionale ka reaguar për rreziqet që paraqet investimi i qytetarëve të Kosovës në paratë digjitale.
Kanë thënë se këtë platformë, përpos që nuk e kontrollon asnjë institucion financiar, ajo është një balonë që do të shpërthejë dikur dhe që shumë njerëz do të dëmtohen.
Këto komente janë bërë në konferencën përmbyllëse për këtë vit të institucionit që mban pensionet e qytetarëve e që ka arritur të nxjerrë 100 milionë euro nga investimet e bëra në tregjet ndërkombëtare.
Mjetet që ky institucion i ka nën menaxhim kanë arritur në rreth 217 milionë euro, ndërsa ka pasur rritje edhe në kontribute të reja që kanë arritur në 105 milionë euro, duke bërë që shuma e përgjithshme e mjeteve në menaxhim arrin në 1 miliard e 634 milionë euro.
Mbi 5 mijë persona dolën këtë vit në pension, të cilëve u takojnë 26 milionë euro, ndërsa sa u përket investimeve në Kosovë, deri tash kanë arritur të investohen 140 milionë euro, pjesa dërrmuese në banka dhe një pjesë në letrat me vlerë.
-
Kthimi nga investimet e Fondit të Pensioneve prek shifra rekorde
-
Qytetarët të shqetësuar me humbjen e kursimeve në Trust
-
Trusti humbi mbi 85 milionë euro të pensionistëve në 2018
-
A janë të sigurta kursimet pensionale
-
OEK propozon investimin e parave të Trustit në projekte zhvillimore në Kosovë, me anë të një ligji të ri