Presidentja e Kosovës, Vjosa Osmani, ka njoftuar se të enjten ka nënshkruar amendamentin e katërt të Marrëveshjes së Grantit për Objektivat Zhvillimore me Shtetet e Bashkuara të Amerikës, që parasheh fitimin shtesë prej rreth 32 milionë dollarëve për Kosovën.
Me këtë grant, totali ka arritur vlerën e 73.4 milionë dollarëve, ka njoftuar Osmani.
“Mbështetja e vazhdueshme e Shteteve të Bashkuara në Kosovë është dëshmi e përkushtimit të qeverisë dhe popullit amerikan për të përforcuar mirëqenien e qytetarëve të Republikës së Kosovës përmes institucioneve efektive dhe llogaridhënëse. Kosova është e bekuar me aleatët e saj!” ka shkruar ajo në Facebook.
Marrëveshja e Grantit për Objektivat Zhvillimore qe nisur në nëntor të 2020-s. Atë kohë, Kosova përfitoi 33 milionë dollarë, ndërsa më vonë u nënshkruan amendamentet tjera që e ngritën vlerën.
-
Nënshkruhet marrëveshja e grantit në vlerë 34.7 mln dollarë me USAID-in
-
Kosova fiton tre milionë dollarë shtesë nga SHBA-ja
-
Kosova përfiton edhe 3.8 milionë euro nga SHBA-ja
-
Osmani: Sa herë që punojmë bashkë me SHBA-në, qytetarët e shteti përfitojnë
-
Nënshkruhet marrëveshja e grantit rreth 35 milionësh me USAID-in