DS: Askush s’mund ta zhvendosë UP-në për ta kthyer në Qendër Islamike

Organizata e studentëve Demokracia Studentore reagon ndaj deklarimeve të nënkryetarit të Komunës së Prishtinës , Selim Pacollit, i cili tha se ideja ime për zhvendosjen e Universitetit të Prishtinës për ta rikthyer atë në një qendër Islamike do të përkrahet edhe nga Shpend Ahmeti, transmeton Koha.net.

Mexhid Ramusa nga Organizata “Demokracia Studentore” shprehet se ne studentët e Republikës së Kosovës jemi të shqetësuar nga deklaratat dhe planet e nënkryetarit të Komunës së Prishtinës nga radhët e AKR-së Selim Pacolli në lidhje me planin e zhvendosjes së UP-së për ta shndërruar në një qendër Islamike

“Ne studentët ja rikujtojmë Pacollit që as Serbia në kohen e okupimit nuk ka mundur ta zhvendos universitetin e Prishtinës në objekt kishtar e cila me dhunë ka tentuar dhe e ka vendosur Kishën Ortodokse ne Kampusin Universitar dhe as një herë nuk ka mundur ta vë në funksion, por as ju nuk mundeni pasi UP-ja është tempull i dijes dhe jo tempull i objekteve fetare”, thuhet në reagim.

“Ne si student të republikës se Kosovës, kemi nevojë për zhvillimin e sektorit te Teknologjisë Informative Laboratorë liberalizim të vizave, depolizim të universiteteve, punësime e jo për qendra islamike”, përfundon reagimi.