Kryeministri Ramush Haradinaj ka hequr dorë nga përgjegjësia për ta udhëhequr dialogun me Serbinë, në kundërshtim me dy rezoluta të Kuvendit (2011 dhe 2012).
Njërës prej tyre mbështetje i kishte dhënë edhe partia e Haradinajt, sa ishte në opozitë, shkruan sot Koha Ditore.
Në kabinetin e Haradinajt nuk kanë treguar arsyet se pse vendosën që dialogun t’ia dorëzojnë presidentit Hashim Thaçi.
“E drejta e presidentit buron nga Kushtetuta e Republikës së Kosovës, ndërkaq Qeveria udhëheq dialogun teknik”, thuhet në një përgjigje të shkurtër të kabinetit Haradinaj.
Përcaktimi i Haradinajt që t’ia dorëzojë dialogun Thaçit nuk kishte gjetur mbështetjen e të gjithë partnerëve të koalicionit. Zyrtarë të Nismës Socialdemokrate në disa raste kanë thënë se dialogu duhet të mbetet në qeveri.
Por tani kreu i këtij subjekti, Fatmir Limaj, që është zëvendëskryeministër në qeverinë Haradinaj, ka përmendur përgjegjësitë kushtetuese të Qeverisë në këtë proces, por edhe rëndësinë që të arrihet një konsensus më i gjerë rreth dialogut. (Artikullin e plotë mund ta lexoni në numrin e sotëm të Kohës Ditore)
-
Hoti thotë se nuk do t’ia kalojë presidentit kompetencat për dialogun
-
Haradinaj: Dialogun s’ia kam lënë në dorë Thaçit, por ia kam heq prej dore
-
Partitë politike, të interesuara për zgjedhje, jo për dialogun me Serbinë
-
Serwer: Gjykata Kushtetuese ia mori Thaçit timonin e dialogut
-
Mundësia e presidentit pas dorëheqjes së Haradinajt