Disa kabllo të KEDS-it janë djegur në lagjen Bregu i Diellit në Prishtinë, si pasojë e pakujdesisë së qytetarëve.
Sipas një njoftimi nga KEDS persona të pakujdesshëm kanë hedhur mbeturina tek një trafostacion, të cilat pastaj janë ndezur, e me ç ‘rast janë djegur kabllot e rrymës.
Por, sipas KEDS-it, falë reagimit të shpejt është evituar djegia komplet e trafostacionit.
“Persona të pakujdesshëm kanë derdhur mbeturina tek një trafostacion në Breg të Diellit. E në bazë të vlerësimeve fillestare, persona tjerë të pakujdesshëm gjithashtu kanë pirë cigare aty duke shkaktuar djegien e mbeturinave. Nga djegia e tyre janë djegur kabllot. Por, falë reagimit të shpejtë të punëtorëve të KEDS-it është evituar djegia e komplet trafostacionit”, thuhet tutje në njoftim.
KEDS përmes këtij njoftimi thotë se dënon fuqishëm këto akte, derisa apelon te qytetarët për kujdes.
Edhe
Zjarr te Qendra Tregtare në Bregun e Diellit
Ata kërkojnë që trafostacionet të mos shndërrohen në deponi mbeturinash, duke shtuar se ato shërbejnë për energji elektrike.
“Pra, duhet të kujdesen si një aset që u shërben ekskluzivisht atyre. Të njëjtën kohë të evitohet çfarëdo djegie apo ndezje e gjërave në afërsi, pasi paraqet rrezik potencial për jetë apo të dëmtimit të pajisjeve që u shërbejnë qytetarëve të vendit”, thuhet tutje në njoftim.
