Deputetja e PDK-së, Ganimete Musliu, në Rubikon të KTV-së theksoi se vendi nuk mund të shkojë në zgjedhje tani.
Musliu thotë se deputetët të cilët kërkojnë të shkojnë në zgjedhje tani, duhet të kenë moral sipas saj, dhe mos të kërkojnë një rikandidim për zgjedhjet e ardhshme.
“Si legjislaturë kemi shumë detyra para vetes dhe i kemi shumë borxh qytetarëve. Pa i kryer detyrat kryesore që i kemi, nuk mund të shkojmë nëse zgjedhje. Nëse deputetët pranojnë të shkojnë në zgjedhje atëherë njerëzishëm duhet të mos pranojnë të kandidohen përsëri”, ka thënë Musliu.
Deputetja e PDK-së thotë se duke u marrë me njëri tjetrin deputetët po harrojnë për çfarë detyre janë.
“Moralisht nuk kemi të drejtë t’ia kërkojmë votën qytetarit”, përfundoi ajo.