Në Skenderaj, qytetarët kanë vendosur barrikada për të mos lejuar hyrjen e presidentit serb Aleksandar Vuçiq në këtë zonë.
Në ndërkohë, edhe forcat e KFOR-it kanë mbërritur në vendngjarje për të zhbllokuar situatën.
Vincenzo Grasso, zëdhënësi i KFOR-it tha për Koha.net se KFOR-i në koordinim me institucionet e Kosovës dhe Policinë e Kosovës, po punon për të siguruar qetësi dhe gjithashtu, sigurinë për presidentin serb Aleksandar Vuçiq.
“Askush nuk është duke kërcënuar Vuçiqin, siguria e tij është e garantuar”, tha ai.
Lidhur me protestën, ai tha se KFOR-i po punon me Policinë e Kosovës për të larguar barrikadën për të rivendosur lirinë e lëvizjes.
“KFOR-i po punon në mënyrë paqësore, jemi gati të ndërhyjmë për çkado nëse na kërkohet, kjo në përputhje me mandatin që kemi”, shtoi ai.
-
Ulutash: Që nga tetori 2025, situata në Kosovë është përgjithësisht e qetë
-
Komandanti i KFOR-it: Që nga tetori 2025, situata në Kosovë është përgjithësisht e qetë
-
KFOR-i e quan “aktivitet rutinë” stërvitjen e ushtrisë serbe: S’përbën kërcënim për sigurinë
-
Komandanti i KFOR-it përsërit thirrjen: Serbia të luajë rolin e vet në përgjegjësinë për Banjskën
-
Arrestohet një person nën dyshimet për sulm ndaj KFOR-it dhe Policisë së Kosovës