Nuk ka kurrfarë propozimi e as vendimi zyrtar për ndryshimin e formatit të negociatave ndërmjet Serbisë e Kosovës, ka deklaruar ministri i Jashtëm i Serbisë Ivica Daçiq, transmeton Koha.net.
„Nga njohja e Koosvës nuk ka asgjë dhe kjo nuk është në koncept “, ka thënë për tv pink shefi i diplomacisë serbe.
Ai ka shtuar se Kosova dëshiron ta inkuadrojë SHBA-në në dialog dhe ta ndryshojë formatin sepse, sipas politikanëve kosovarë shefja e diplomacisë evropiane Federica Mogherini ua mban anën serbëve.
„As që na bie ndër mend që të përfshihet SHBA-ja e të mos përfshihet Rusia” ka thënë Daçiqi duke shtuar se Moska qartë e ka shprehur dëshirën që të përfshihet në dialog.
„Tash dialogu është në pat pozicion në të cilin vështirë mund të bëhet ndonjë lëvizjen nëse nuk suspendohen aktet e njëanshme të Prishtinës”. ka theksuar Daçiq.
Edhe
Daçiq: S’do të ketë njohje të pavarësisë së Kosovës e as anëtarësim në OKB
Ka thënë se Serbia nuk do të pushojë së lobuari nëpër gjithë botën për tërheqjen e njohjes së pavarësisë së Kosovës.
Sipas tij, deri më tash 12 vende e kanë tërhequr njohjen e Kosovës, ndërsa ashprehu bindjen se Kosovën nuk e kanë njohur 91 shtete dhe u kërcënua se do ta vazhdojë lobimin për çnjoheje.
