Nënkryetarja e PDK-së, Vlora Çitaku, ka reaguar pas arrestimit të ruses Daria Aslamova, e cila kishte tentuar të hynte në Kosovë nga Serbia nëpërmjet pikës kufitare në veri.
Aslamova, që është gazetare, në disa vende akuzohet si spiune e Rusisë.
Ajo është arrestuar nga Policia e Kosovës, ndërsa për këtë ka njoftuar ministri i Punëve të Brendshme, Xhelal Sveçla.
“Daria Aslamova është arrestuar sot ndërsa ka tentuar ta kalojë kufirin nga Serbia për në Kosovë. Ajo është apologe e Putinit dhe propaganduese e Rusisë. Nuk ke nevojë të jesh punonjës i inteligjencës për ta kuptuar qëllimin e ‘udhëtimit’ të saj. Aslamova është në paraburgim të autoriteteve kosovare”, ka ish-ambasadorja e Kosovës në SHBA, Çitaku në Twitter.
Daria Aslamova was detained today as she tried to cross the border from Serbia to #Kosovo
— Vlora Çitaku ? (@vloracitaku) August 6, 2022
She is a Putin apologist & Russia propagandist. One does not need to be an intelligence officer to understand the purpose of her “trip”
Aslamova is now in the custody of Kosovo authorities pic.twitter.com/TcbIIWE5Cl
