Presidenti i vendit, Hashim Thaçi, ka mbledhur për të dytën herë takimin konsultativ për të vërtetën dhe pajtimin, këtë herë me përfaqësues të shoqërisë civile e të medieve, raporton KTV.
Në njërën anë kishte ulur Bajram Çerkinin e në anën tjetër Milorad Trifunoviqin, njëri përfaqësues i familjarëve të të pagjeturve shqiptarë e tjetri përfaqësues i serbëve.
Aty presidenti kishte vendosur të përsëriste thuajse tërë fjalimin që e kishte mbajtur në takimin e parë të 13 shkurtit.
Tha se ky komision nuk do të zëvendësojë drejtësinë dhe as dialogun me Serbinë, por ka për synim të vërtetën, e cila sipas tij, çliron dhe pastron njerëzit. Kreu i shtetit tha se komisioni do të jetë i pavarur, i paanshëm dhe i pandikuar politikisht.
Ndërkohë, sipas Behxhet Shalës, mund të punohet për të vërtetën, por tha se është herët për pajtimin.
Edhe
Thaçi do ndihmën e shoqërisë civile për projektin e vet për të Vërtetën dhe Pajtimin
Deputeti Blerim Shala thotë se kjo nismë synon të vërtetën, faljen dhe pajtimin në kohën kur në Evropë mbizotëron mosdurimi, manipulimi e gënjeshtra.
Këtë nismë të presidentit e ka kundërshtuar fuqishëm shoqata “Thirrjet e Nënave”, të cilat kanë paralajmëruar edhe protesta nëse ky komision jetësohet.
