Vetëm pse deshi të ulej në kërrigën e shoqes së klasës në kopsht në kohën e drekës, pesëvjeçari Drin Rama, u dënua nga mësuesja e tij.
Dënimin që mori ishte të mos hante bukë, duke iu ndaluar që atë ditë të merrte shujtën e tij ditore, sikur të gjithë shokët e klasës, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoE ëma Arieta, thotë se fillimisht nuk besoi atë që po i thoshte i biri se mësuesja e kishte detyruar që vetëm t’i shikonte shokët duke ngrënë.
Për t’u vërtetuar, ka biseduar edhe me prindërit e fëmijëve të tjerë, të cilët e bindën se djali i saj ishte dënuar në atë mënyrë.
Ajo gjithashtu thotë se kërkoi sqarim nga mësuesja dhe drejtoresha, të cilat i kanë thënë se djali i saj ka gënjyer.
Këtë e mohojnë drejtoresha dhe mësuesja e çerdhes, duke thënë se jo dënim me bukë, por asnjë lloj dënimi nuk e praktikojnë kur fëmijët bëjnë ndonjë problem.
Veprimi i mësueses së këtij kopshti e ka detyruar nënën e pesëvjeçarit që ta largojë nga aty, derisa është duke menduar ta gjejë një vend tjetër.