Bulliqi liron nga detyra drejtoreshën Mehmeti, e emëron Stubllën

Kryetari i Komunës së Podujevës, Shpejtim Bulliqi e ka liruar nga detyra e drejtoreshën për Pronë, Kadastër dhe Gjeodezi, Bahrie Shatrolli-Mehmeti.

Në këtë detyrë është caktuar Saranda Stublla.

Sipas njoftimit të Zyrës për informim, kjo është bërë pas kërkesës së që e ka bërë vetë drejtoresha Shatrolli-Mehmeti.

“Me kërkesë të Bahrie Shatrolli-Mehmeti për ta liruar nga detyra e drejtoreshës për Pronë, Kadastër dhe Gjeodezi, për shkak të angazhimeve profesionale, ajo është liruar dhe në këtë detyrë është emëruar Saranda Stublla. Kryetari Bulliqi e ka falënderuar ish-drejtoreshën për punën dhe kontributin e saj në dikasterin që ka udhëhequr. Ndërsa ish-drejtoresha e ka falënderuar kryetarin Bulliqi për besimin, bashkëpunimin dhe ka shprehur gatishmërinë e plotë që të ndihmojë komunën në aspektin profesional çdo herë”, thuhet në njoftim. “Kryetari Bulliqi gjithashtu e ka uruar drejtoreshën e re për detyrën dhe i uroj suksese në kryerjen e detyrave dhe përgjegjësive të saj”.