Ambasadori në largim i Britanisë së Madhe në Serbi, Denis Keefe tha se vendi tij e mbështet kthimin e Kosovës dhe Serbisë në dialogun e ndërmjetësuar nga Bashkimi Evropian.
“Ne jemi miq të Ballkanit, Kosova është shtet për ne, por ju themi se duhet të bisedoni dhe të gjeni zgjidhje përmes dialogut", tha Keefe.
Duke folur për raportet ndërmjet Britanisë së Madhe dhe Serbisë, ambasadori Keefe, i tha Radio Televizionit të Vojvodinës se të dyja vendet kanë raporte komplekse por gjithashtu ndajnë vlera të përbashkëta, transmeton rel.
Ai vlerësoi se propozimi britanik i rezolutës për Srebrenicës në Këshillin e Sigurimit të Kombeve të Bashkuara, tre vjet më parë, nuk ishte i drejtuar kundër Serbisë duke shtuar se pajtimi në rajon kërkon "ndershmëri dhe diskutim të hapur, e jo relativizim".
Diplomati britanik tha se anëtarësimi i Serbisë në BE është në interes të Beogradit dhe Londrës, pasi Britania e Madhe dëshiron një Ballkan Perëndimor "të qëndrueshëm dhe të sigurt".
Lidhur me largimin e Britanisë nga BE-ja, Keefe tha se vendi është anëtar i NATO-s dhe se "ai do të mbetet partner i të gjitha vendeve të BE-së dhe Ballkanit".
-
Peach: Është urgjente vazhdimi i dialogut Kosovë- Serbi
-
Britania thotë se prekja e kufijve Kosovë-Serbi bartë në vete rrezik dhe çmim
-
Britania në Këshill të Sigurimit bën thirrje për njohje të Kosovës
-
Brown: Marrëveshje nuk pati - Kosova të pavarësohet
-
Britania thirrje anëtarëve të OKB-së ta njohin Kosovën, ndërsa Serbisë ta dorëzojë Radoiçiqin