Mediet e Beogradit raportojnë për një takim urgjent të zyrtarit të saj me përfaqësuesit e EULEX-it për, siç thuhet, kërcënimet e hapura me dhunë që vijnë nga qarqe ekstreme politike e fetare në Kosovës, transmeton Koha.net.
Mediet serbe citojnë komunikatën sipas të cilës “Drejtori i Zyrës për Kosovën (në Qeverinë e Serbisë), Marko Gjuriq, ka mbajtur sot në Beograd një takim urgjent me përfaqësuesit e lartë të EULEX-it pas sulmeve gjithnjë e më të shpeshta mbi serbët dhe të kërcënimeve të hapëta me dhunë që vijnë nga qarqe ekstreme politike e fetare në Krahinë”, siç e quan Beogradi Republikën e Kosovës .
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjuriq, theksojnë njoftimet, ka kërkuar ndërmarrjen e masave të vendosura konkrete me të cilat do të pengohej rrezikimi i sigurisë së njerëzve dhe të pronës dhe do të pengohej përkeqësimi i rrethanave të sigurisë në Kosovës (e Metohi, siç vazhdon Beogradi ta quajnë Kosovën).
Seria e fundit e sulmeve mbi qytetarët e komunitetit serb në Kosovë, sipas Gjuriqit, ka shkaktuar shqetësime e pasiguri të madhe të popullit serb në Krahinë, vazhdon raportimi i medieve serbe, transmeton Koha.net.
Ai ka thënë se është e domosdoshme të bëhen përpjekje serioze në terren që të pengohen inspiratorët dhe organizatorët e këtyre sulmeve për të shkatërruar seriozisht dhe përgjithmonë situatën e sigurisë në Kosovë dhe që të rrezikojnë gjithë atë që është arritur deri tash në procesin e normalizimit të raporteve midis Beogradit e Prishtinës.
Gjuriq, sipas raportimeve, sot ka biseduar me telefon edhe me drejtoreshën e Departamentit për Europën Perëndimore, Ballkanin Perëndimor dhe Turqinë në Shërbimin Europian për Politikë të Jashtme, Angelina Eichhorst mbi situatën aktuale të sigurisë në Kosovë dhe perspektivën e dialogut midis Beogradit e Prishtinës.
Ai ka theksuar rëndësinë vendimtare të zbatimit të Marrëveshjes për themelimin e Bashkësisë së Komunave Serbe (AKS-së) për vazhdimin e procesit të dialogut dhe normalizimin e marrëdhënieve, citojnë mediet e Beogradit komunikatën e Zyrës për Kosovën në Qeverinë e Serbisë, transmeton Koha.net.