Banorët në Sllovi të Lipjanit kundër fabrikës, thonë se po e ndot ambientin e bën zhurmë

Për ndotje të ambientit e zhurmë që vjen nga fabrika “TEOS”, në fshatin Sllovi të Lipjanit, kanë ngritur zërin banorët e këtij fshati.

Fabrika që është afër me shtëpitë, sipas banorëve, po funksionon në kundërshtim me ligjet në fuqi, ndërkohë Komuna e Lipjanit nuk po i shqyrton shqetësimet dhe kërkesat e banorëve.

Ekrem Neziri, banor i këtij fshati, ka thënë se pronari i fabrikës është i afërt i tyre, mirëpo nuk i ka dëgjuar këshillat e bashkëfshatarëve për ta ndërtuar në një lokacion tjetër.

KOHA ka provuar të marrë edhe një deklaratë nga pronari i kësaj fabrike, Enver Neziri, mirëpo ai nuk ka qenë i qasshëm.

Në anën tjetër, Imer Rrustemi, drejtor i Inspektoratit në Komunën e Lipjanit, ka thënë se inspektorët komunalë kanë dalë në vendin e ngjarjes dhe kanë konstatuar se fabrika po u përmbahej kritereve dhe ligjeve në fuqi.

Edhe Arbëri 11 qer 2023 Banorët në Lipjan ankohen nga kundërmimi i mbeturinave në qendër të qytetit

Drejtori Rrustemi është zotuar se sërish do ta inspektojnë këtë biznes dhe nëse bën ndonjë shkelje ligjore do të merren masa sipas ligjeve në fuqi.

Banorët, që protestuan, kishin planifikuar grumbullim më të madh, por që nuk ishin lejuar nga Policia e Kosovës, shkaku i pandemisë, derisa më herët u ishin drejtuar edhe institucioneve të drejtësisë për këtë problem.