Banorët e nxënësit e “Ismail Qemalit” në Ferizaj protestojnë për t’iu rikthyer parcela që ia privatizoi AKP-ja

Banorët e fshatit Prelez të Jerlive në komunën e Ferizajt së bashku me qindra nxënës të shkollës fillore “Ismail Qemali” kanë organizuar edhe një protestë para objektit të komunës.

Kjo, me arsyetim që oborri i shkollës me sipërfaqe prej një hektarësh të rikthehet në pronësi të shkollës, raporton Koha Ditore.

Kjo pronë është privatizuar para disa vjetësh nga AKP-ja , ndërkohë blerësi po tenton ta ndërtojë një biznes privat.

Sipas banorëve kjo parcelë është privatizuar shkaku i neglizhencës së institucioneve për rregullimin e dokumenteve.

Banorët kanë paralajmëruar edhe protesta të tjera nëse institucionet komunale dhe qendrore nuk reflektojnë për rikthimin e parcelës.