Ballkanit Perëndimor i nevojiten 50 vjet të arrijë standardin e Gjermanisë

Të ardhurat për kokë banori në Ballkanin Perëndimor janë sa 28 për qind e Gjermanisë dhe në ritmet e rritjes aktuale nevojiten pesë dekada për të arritur standardin aktual të jetesës në shtetin më të fuqishëm ekonomik të Evropës.

Kjo është bërë e ditur nga Gallina Andronova Vincelette, një drejtuese e praktikës për makroekonominë, tregtinë dhe investimet në Bankën Botërore, shkruan KsP.

Sipas saj, mundësitë e reja të rritjes ekonomike në vendet e Ballkanit Perëndimor janë të nevojshme për të përshpejtuar rritjen dhe kjo kërkon tejkalimin e tregjeve të vogla kombëtare dhe të fragmentuara.

“Banka Botërore shpreson të vazhdojë të mbështesë Ballkanin Perëndimor në rrugën përpara”, ka thënë ajo gjatë samitit informal të liderëve rajonalë në Durrës.